Nang madaling-araw na menos 4 Celsius sa labas nitong ika-16 ng Enero ng 2024, nasa silid-kainan ng bahay dito sa Isla Lulu ako, sa ilalim ng chandelier, aranya, para kumain ng nilutong saba, isdang tokwang rolyo, at kulay-rosas na bayabas na atole, yaong inuming Mehikano. Handa ko na sa bolsa ng berdeng militar na dyaket ko ang Pranses na librong Le Golem ni Gustav Meyrink. Balak kong basahin pagka nasa pizzeria o tsaahan ako. Tungkol ang libro sa pokloreng Hudyo. Sa tema ng araw, ang numerong 16 ay naging simbolo ng lengguwaheng Esperanto dahil may 16 na regla ang basikong gramatika sa Esperanto. Ang Esperanto ay inimbento ng Hudyong Doktor L. L. Zamenhof noong 1887 sa Polonya ng Rusong Imperyo.
No comments:
Post a Comment